التمثــــــــــــــــــــال
****************
اتعودت أنام
جنب مكانك الفاضي
ومش راضي ...
سنين البعد بتطوِّل
تخلص .....
وأرجع أعد من الأول
وأروح في خيال ...
وأجيب تمثال
أكلم فيه ما يرد سؤال
تمام ..
زي قلبك القاسي
ورود ووعود
بقرب ما له حدود ...
وتبعد ...
وبرده تروح ناسي
وأعيش أيام
عذاب ومآسي
تتصل وزي العادة
تربط راسي ...
وتقول توبة
آخر مرة .....المرة دي
بناضل .....
دا أنت العمر يا راجل
وأبعت لك جواب عاجل
ترد وأنت متأخر ...
وعد ...شوية ويتبخر
وياما تأجل وتتأسف
والغربة بالعاك ...
فلوس عني لاهياك
ولادي يسألوا فينه ..
يغور البعد وسنينه
عايزينه ...
وفين ألقاك
بنهواك
وليه ناحيتنا
مش جاي هواك
خدت وعود وآمال
وحدي أبكي على الموال
تقول ظروف وأنا مالي
سنين ومش راضي تصفالي
خلاص
بقيت عادي
ياما لفيت بلاد وأراضي
وبرده سايبني أبكي
جنب مكانك .....الفاضي
دياب محمود حسن
ليست هناك تعليقات:
إرسال تعليق