راجع ليه؟.....
بعد ماداق منك حرمان
بعد مالف وراك سنتين
قلبي رجعلي زي زمان
سبعين دقه وفوقها اتنين
راجع ليه؟
راجع ليه تفكرني بماضي
وجرح داويته خلاص ونسيته
وان كان راجع لاجل آهاته
والا تزيد دقه ف دقاته
لأ ياحبيبي دا كان ع العين
قلبي رجعلي زي زمان
سبعين دقه وفوقها اتنين
كان لك معبد جوه ف قلبي
كنت بتعصى وهوه يصلي
وبيدعيلك يصلح حالك
وانت تزيد عصيان وتخونني
لا تقول كنا وكانوا وكان
بعد الحب مابيننا اتهان
لأ ياحبيبي دا كان ع العين
قلبي رجعلي زي زمان
سبعين دقه وفوقها اتنين
... بقلمي مجدي الشيخ....
ليست هناك تعليقات:
إرسال تعليق