الشاعر بهاء محيسن.يكتب
حلم التمني
=======
سافرت في عيونك
وطال السفر فيهم
عشقت أنا سحرهم
سكنت لياليهم
وتوهت في سحرهم
شوفت الجمال فيهم
وعلي جبينك شوفت القمر
فارد جمال الضي
والورد في شفاف الحبيب
ساحر مالوش زي
وسمعت نغم صوتك
ياخدني يشجيني
بالحب يكوي القلوب كي
انسا عذاب عمري
يسكن في روحي الضى
انده بعلو الصوت
القي الندا يجيني
ومعاه نغم صوتك
في الوحده يناديني
حبيبي انا هنا جنبك
سامع ندا قلبك
حاسس كمان نبضك
افرح واكمل سفر في عيونك
اسابق طيور السما
والفرحة وخداني
يلاقي جنوني جنانك
ما بين السما والارض
اصرخ بحبك
يسمع صدي صوتي
كل اهل الارض
اصحي من نومي
القاني واقع علي الارض
=====
بقلمي
بهاء محيسن
ليست هناك تعليقات:
إرسال تعليق