$$$الحقيقه$$$
للشاعر /صابر الشناوى.يكتب
ليه لما نكتب عن حياتنا
نخفي الحقيقه بين سطورنا
ننسى ان العمر فاتنا
وان لسه هيجي دورنا
ولسه برضو القلب اخضر
والأمل مالي صدورنا
بكره يمكن ظروفنا تسمح
نحضن الفرح في عنينا
آخد حبيبي لحضني نسرح
ونمسك القمره بين ادينا
نبدر الحب في كل مطرح
وطرحه كله يبقى لينا
نوهم قلوبنا في يوم تصدق
أن الزمن عوض علينا
الكدب يوم ورا يوم بيكبر
والعمر ماشي بيجري بينا
ونصدق الكدب نفكر
بقلوب حبايب عايشه فينا
ومعاها طول اليل بنسهر
نحكي شوقنا وتواسينا
بكره تفرج بس اصبر
وبكره واخده عند فينا
كدبنا على روحنا أخطر
من كدب كل الناس علينا
ياريت كدا بهدوء نفكر
لما نكتب عن حياتنا
نحط الحقيقه قدام عنينا
ايه م الحلم عليه هنقدر
في الحقيقه تطوله ادينا
أكتب دفاتر واملي الاسطر
الحب اكبر كدبه فينا
أن ما كنش معاك وتقدر
ربنا يعوض علينا
الحب عمره ف يوم مايقدر
يعدي بحر من غير سفينه
مهما كنت في الحب اشطر
او حتى كان قلبك مدينه
مهما توصف او تعبر
الحب لزمه حاجات كتيره
حب بس ان كنت تقدر
يا اما يابني كفايه حيره
ولما تكتب عن حياتك
اوصف لها كل الحقيقه
ليست هناك تعليقات:
إرسال تعليق