الشاعر امجد عبد الفتاح.يكتب
ما تيجى يا حزن نتفارق
وفوتنى بشرى وبخيرى
ولا خلاص ملازمنى
وفاضى مش وراك غيرى
انا عن نفسي مش عاوزك
ولا عاوز اشوف وشك
ولو انا قلت خلاف قولى
بكون كداب وبغشك
ياريت يكون لديك احساس
وتخلى عند اهلك دم
ملكش أهل وعيلة وناس
خلاص أمشى وفارقنى ياعم
لا بس أمشى أنت وغور
وانا والله مش هندم
ايوه يا عم انا خاين
والعشرة على هانت
لا صدق اوى واهو باين
لا عنها بقت ولا اتصانت
كفايه رغى وروح عنى
ايه بس تانى عاوز منى
بتقول انك زعلت خلاص
وناوى بجد تخاصمنى
ابوس راسك وايه مانعك
وعلى ايه بس مستنى
وتبقى جميلة ولا انساها
وجات منك ما جات منى
الازمة _ أمجد عبد الفتاح عثمان ✍️
ليست هناك تعليقات:
إرسال تعليق