الشاعرة فاطمه ابو سلامه.تكتب
تقدر تقولي عملت ايه ؟!
غير إني حبيتك
حب مقدرتش عليه
حب صافي و حضن دافي
حب فاق كل الحدود
وانت محافظتش عليه
بخلت حتى بكلمه حلوه
ليه جيت عليا وجيت عليه ؟!
جاي بعد ايه ...؟ خلص الكلام
حتى الملام ..!
يكفي تعدي على كلامي تقول سلام
كان قلبي نسمه بتحضنك
حتى اللي كان يألمني منك
كنت تقولة وبسمعك
لأجل ان تفضل جوه قلبي
ولا وعمري مره أضيعك
كنت تحكي ع اللي حبك ليها كان بيعذبك
وأنا بسمعك ...!
وأنا بسألك .... !
لو كنت حابب إني منها أقربك ...؟
ولو في فرحك كان عذابي ... !
برضه عايزه افرحك
وبعد كل الحب مني .... قسوتك
فاقت سماحتي ودغدغت
قلبي حتت ...
راجع تدق بباني تاني من جديد ؟!
معقول فاكرني هصدقك ...!!!
وتلاقيني واحشني صوتك
لا يا حبيبي ده كان زمان
... ايام ما كنت بعشقك
فاطمه أبو سلامه
ليست هناك تعليقات:
إرسال تعليق