الشاعر د.عبد الحليم هنداوي.يكتب
صنعة ايديك
لا تترجاني غدرك جاني
شال كل حب باقي ليك
صعب تاني نرجع نعاني
ترازي فيا وارازي فيك
أصل الأسيه يا نور عنيه
مش طبع فيه دا طبع فيك
هواك خلاني دايما بعاني
وتنام انت ولا عليك
كل حلو عملتهولك
تقول دا ليا مكنش ليك
لا كلمه حلوه ولا شكرانيه
حرام عليا حلال عليك
بطل اسيه حس بيا
هوانا مش صعبان عليك
كل غدر كل هجر دوقتهولي
هيجي يوم يطلع عليك
أخلصت يامه يا دى الندامه
اخلاصي كله هان عليك
مع السلامه صبرت يامه
وللآمانه كات روحي فيك
بطل عناد عنادك انت
طلع عنيا خرب عليك
قلبي القاسي مكنش قاسي
صدقني دا صنعة ايديك
بقلمى د. عبدالحليم هنداوى
اشعار بالعامية المصرية.
ليست هناك تعليقات:
إرسال تعليق