مشكله اجتماعيه
قول لي لاء
جاني الفجر ولا نمتش
بافكر فيا حالي حال
غبت كتير ولا هنتش
شاغل قلبي الف سؤال
اكيد مانيش علي بالك
ولا لحني نغم حالك
ولا خالي بقي خالك
ولا لي كلمه في الموال
لكن والله ماكرهتش
ولا فوتش يوم البال
يوم ما ماشيت ماعشتش
واهه ربك عالم لاحوال
لو مره ناوي تجيني
تبرد مهجتي وعيني
وداد قربك يداويني
ولا تسمع كلام اتقال
صحيح عاملتك بنديه
اخدت من طبيعتك جزء
وياما قولت عناديه
وحبه حبه زاد الشق
انا باحكي اللي جري ليه
ساعة ماقولت لك يوم لاء
قولت انت محتاج لحنيه
ساعتها والله عندك حق
اخترت انت بهواك انثي
يوم مالبست انا راجل
وكنت الوم عليك انت
وخربت الدنيا بالعاجل
انا مش حمل تجريحك
وباتمني اكون ريحك
واملا الدنيا بالبهجه
ياساكن روحي والمهجه
ف هل ممكن تسامحني
وتعزف تاني علي لحني
ولو ناوى وحاتجرحني
خلاص سمعني قولة لاء
يسري عثمان
الادباتي
ليست هناك تعليقات:
إرسال تعليق