". الشاعر رشاد علي محمود يكتب
أنا قاعد ومستني"
أنا قاعد ومستني تيجيلي غير امبارح يا بكره
أنا عارف إني ببات في أوجاعي ومش ناسي علي فكره
وناس فاهمه وناس عامله مش فاهمه وخلق كتير وخداهم السكره
وناس عاشقه للضلمه وناس عايشه في النشوي وناس عجباهم الفكره
أنا قاعد ومستني تجيلي غير إمبارح يا بكره
أنا قاعد ومستني تجيب النور وتغور الضلمه والذكرى
تيجي وتجيب صبايا حور فرحانه بتزغرت وحامده ربها وشاكره
تيجي ومعاك صبايا الورد وفي إيديهم جدايل نور وللحق مش ناكره
أنا قاعد ومستني تجيلي غير إمبارح يا بكره
تيجي وتقول صباح الخير والاقي الطير في سمايا بيغرد من غير الحدا الماكره
أمانه عليك يا بكره امانه تيجي غير امبارح
ومكنش زي العاده متكدر ودمعي علي خدي وفي وجعي أكون سارح
أنا قاعد ومستني يا بكره تيجلي غير إمبارح
وطيوري في سمايا بتغني من غير الحدا الجارح
بقلم الشاعر رشاد على محمود
ليست هناك تعليقات:
إرسال تعليق