🍗 حب يتخطي الحدود 🥙

الشاعرة سلوى صبح.تكتب

 حُب يتخطى الحدود. 

————————

حبي ليك..يا حبيبي

صورة حب حيَّة ..

صورة نابضة..

 من القلب جاية..

تشهد إني كتيييييير بحبك

والمُنى أفضل بقربك

مهما عدى ولا فات

نعتبر كل اللي فات

ماضي مات ..

مات خلاص وانتهي

واليوم هنبدأ من جديد

خلي كل يوم هيعدي 

جنبك عيد..

أيوة عيد ..

يوم لُقانا إبتدى أحلى عيد

والنهاردة بردة عيد

مهما عدَّى علينا صعب

ننزعه لو كان حديد

كل مادى نزيد في قرب

قرب يمسح كل كرب

حزن كان في قلوبنا دَبّ

فجأة في بداية الطريق

لا تحس إنك غريق

هتلاقيني معاك رفيق

أصدق صديق..

سندك ودعمك ..

مركبك ..شط الأمان 

مهما غضب الموج عاندنا

والبحور هاجت وماجت

وقت شدة وراح يعدِّي

راح نخطي كل صعب

والأكيد في القلب حب

حب يتخطى الحدود

حب هيهد السدود

حب عارف في النهاية

أد إيه صعبة البداية

والطريق مازال طويل

ومفيش بينا مستحيل. 

#بالعامية بقول.  اللهم إشف مؤمن زكريا ياااااارب. وارفع عنه البلاء وكل مكروب. 

بقلمي:سلوى صبح.