................................
الحقيقة ما خبيش
.والخيش عليك
الحال دايما منصوب
فيها إيه لو صار
جارمن مجرور
ماهي كل حاجة إتلخبطت
حتي كلام العرب
الكوع بحرف مكسور
إشلون يا زالمة .غني
ع الضيعة بنغمة شحرور
عزف الطرب صراخ
فهد وديع دبلان
توب حرير كستور
أخر موضة عرض أزياء
خيش الشوال بنطال
والجيل محشور
في وسط موجة تايهه
جاية من أي بحور
تعالي يابامبة شوفي عيالك
مين سقاهم عمل مسحور
مش قولتلك الحال مابقاش
لا يسر مهزوم ولا منصور
هو دا جيل الأمل ولا الأدب
داب بين الجدور
داري .يا داري .يا دار
دوري يا ساقية بين الغيطان
علي عش بشجر عصفور
أروي زرع النباهة فترة نقاهة
يرجع الحال زي ماكان بيدور
علشان بهية وعيون نجية
فلاح كان فايت بيغني
من جنب السور
.............................
بقلم/عبدالمنعم السقا
ليست هناك تعليقات:
إرسال تعليق