اغسل قلبك
-----
كئيبه الشوارع
الكل حيران وضايع
الخوف مالي الوشوش
الناس ما بيناموش
ام بتصرخ
ابوك كان بره ما تلمسوش
مذهول الطفل
مرعوب وخايف
الكرونا بتقرب من الشفايف
والحل ايه
الدكاتره ما يعرفوش
قالو مناعه
وقالو فيروس
السماعه ما تعرفوش
والحكومه
عامله جهل الناس شماعه
حديث الساعه
اعداد بتذيد
الحل
البس كمامه
اغسل ايد
بياع المطهر
فرحان وسعيد
والكل تايه مرعوب وخايف
نسينا غسيل القلوب
نسينا ان الاجل مكتوب
ومافيش منه هروب
طيب ارجع لربك
استغفر توب
مالك متلخبط حالك
خايف ليه
دي نازله بالاسم يا بيه
يمكن مش جيالك
سلمها لربك
وبلاش سيرة الناس
خليك مع حالك
بطل وسواس
وقوم طلع ذكاة مالك
اذكر ربك
انت يا مؤمن
والله هنيالك
حامد ربك
وراضي بحالك
بقلمي
بهاء محيسن
ليست هناك تعليقات:
إرسال تعليق