شعر غنائى ..
((( مين ساكن جوه قلبك )))
مين ساكن جوه قلبك .. على طول مشغوله بيه ..
مين واخد مين عقلك .. تعالى و شاورى عليه ..
نقسى أطمن على حبى .. و أرتاح و أريح قلبى ..
و حياتك قولى م تخبى .. مش عايزانى أعرف ليه ..
مين ساكن جوه قلبك
بعد م خدتى كل حاجه .. و عملتى المستحيل ..
تقوليلى روح و إنسانى .. شوفلك واحده غيرى بديل ..
إنت م بقتش تنفع ليا .. م تدورش تانى عليا ..
سيينى أعيش بقى بحريه .. م توصليش المراسيل ..
مين ساكن جوه قلبك
أنا شايف تغيير على وشك .. كل يوم و التانى ..
محتار أقولك إيه ولا إيه .. منتش عجبانى ..
غيرتى ليه ف ملامحك .. بكره الزمن هيخاصمك ..
م تلاقيش اللى يصالحك .. مكانك ف قلبى ووجدانى ...
مين ساكن جوه قلبك
بقلم .. الشاعر الغنائى ..
محمد البريمى ..
ليست هناك تعليقات:
إرسال تعليق