خليك راقي
.............................................
خليك راقي وخليك شيك
لا ترفع صوتك يابيك
لما بتقعد بين الناس
احترم الناس اللي حواليك
................
الصوت العالي شيء قبيح
لا ترفع صوتك وتصيح
إحكي كلامك عالهادي
بتوصل الفكرة صحيح
...............
وابعد عن كل العصبية
لا تتنازق روق شوية
ولا تستفز اللي قبالك
لأنا مانا رجولية
..............
وخليك هادي مهما يكون
لا تهستر وتصير مجنون
العقل زينة للبني آدم
كلامك خلي موزون
...............
وحاول ما يحصل خلاف
إبعد عن كل الإسفاف
إحكي بس الكلمة الحلوة
وكلامك خلي شفاف
...............
ولا تضلك ترعد وتهد
هادا تجافي وهادا تصد
عيش مع ناسك بالمحبة
و ورجي كل العالم ود
............... .
ولا تعمل حالك حساس
بتنفر منك كل الناس
هيدي هشاشة شخصية
شغلي عقلك بالراس
................
العاقل يلي عقلو كبير
وكلماتو متل الحرير
بيعرف كيف يكسب الناس
ولكل شي عندو تدبير
...........................................
ملك محمود الأصفر
ليست هناك تعليقات:
إرسال تعليق