بركان الحب
كانت زمان فراشاتي
بترتوي بعبيرك شهد
كانت وياكي هنا هايمة
في حضنك وحضن الورد
وشوق الدنيا بعيونك
بينده بحمار عالخد
كان بحرك لشطآني
بيحضن رمالي بمد
ارمي الحزن على عتابك
وعمري يبتدي من المهد
لكن الدنيا كده قاسية
وفرقتنا حبيبتي زمان
وكانت لفرحنا ناسية
فاكرانا بس بالاحزان
ورجع الفرح برجوعك
ونبض ودبيب شريان
شرياني رجع تاني
وبشوقه صبح بركان
انهاري هنا في وديانك
وضفافك لعوب وودود
لكن سيول جريانها
مقابلها حبيبتي سدود
وسدودك ساعات توعد
وساعات جفا وصدود
توعدني بعبير الورد
وتحضني بشوك لورود
بتجرح كتير وساعات
بتوعد بطيب العود
تعبت وخلاص قلبي
بركانه رصاص وبارود
لكنه مسيره ينام
في قبره وياكله الدود
يحيى حسين 8 يوليو 2020
ليست هناك تعليقات:
إرسال تعليق