بعيدة حبيبتي
بعيدة واقفة هناك هي
بتنده علي ألحقني
انا وحدي هنا تايهة
وبحر الدنيا غرقني
حبيبي ما قادرة أستحمل
مت خلاص وصدقني
حبيبتي بيا بستنجد
وفرض عليا أنجدها
فرض بأنفاسي أحييها
وأرد الدم لوريدها
فرض أقول لها قومي
وبأيدي اخد أنا بأديها
بس يا ناس أنا خسارة
حبيس الدنيا وحيطانها
تملي تاية في مراكبها
وعمري ما كنت قبطانها
جناح مكسور وأسرابي
ما شافت رمل شطآنها
ولما الدنيا تراضيني
تغطي وشي بقطرانها،
أكيد حبيبتي غلطانة
وكمان أكيد أنا غلطان
رسمنا الحلم في قلوبنا
وأخدنا الصورة بالاحضان
خضرة وضلة طيور اغصان
نسمة وبحر رمال شطآن
صحبة وعشرة حدود أوطان
بس نسينا يا حبيبتي
أن الدنيا حاكمها غيلان
خنقوا بكرة وأحلامنا
وسرقوا الصورة والالوان
يحيى حسين 2 يونيو 2020
ليست هناك تعليقات:
إرسال تعليق