قصيدة عتاب بالعامية
وحملت أحزان كلبك فوك أحزاني
ماجنه نتفارك يا أعز الناس
لو خاف الوكت خلاك تنسان
صدكني كلامي وياك مامقصود
أحسبه محبه وهجرك أذاني
لو تدري شكثر خجلان يالمحبوب
لان عيب الرساله أطلبها بلساني
صير أنته بمكاني وشوف نار الشوك
ماطفت بغيابك الهسه نيراني
شنو خلصن الورق مكتوب مادزيت
لو ناسي الكتابه وضاع عنوان
مو أنته الأعرفك ذاك أبو الأحزان
جنت لمن أضيعك أنته تلكاني
شاركتك همومك من جنت مهموم
وبقيت أبجي عليك حتى ذبلت عيوني
غالي مو بس بالإسم يل تملك الروح
مو أنت حبك غير أحوالي،،،
بقلم زياد محمد
ليست هناك تعليقات:
إرسال تعليق