.سلم ياطريق.....
سلم ياطريق ع اللي مسافرين
واياك ياطريق تغدر بيهم
وان قمر الليل غاب عنهم يوم
نور ياطريق بعنيك ليهم
من بعد ما كانوا جيران حلوين
وبيتين الحيط في الحيط لازقين
وعيالهم كانوا زي عيالنا
وعيالنا كانوا عيال ليهم
أهو سابوا وطنهم ومهاجرين
ماشيين في السكه و مش عارفين
على أي بلاد حتوديهم
أرجوك ياطريق ان كنت صديق
نور ياطريق بعنيك ليهم
لامعاهم جار ولا حتى عيال
كله اتفرق عن بعضيهم
ولا فيش وياهم زاد ولا مال
ولا مسكن علشان يأويهم
ماخدوش غير كيس مليان بتراب
للذكرى من طين أراضيهم
أرجوك ياطريق تبقى انت نجوم
وان قمر الليل غاب عنهم يوم
نور ياطريق بعنيك ليهم
..... بقلمي مجدي الشيخ....
ليست هناك تعليقات:
إرسال تعليق