ووعدتني راجع...والغربة مش هتطول
وكان الفراق واجع..وقلبي بيه مكسور
اترجى قلبي وبكى.. تفضل وماتسيبهوش
كان قلبك خد قراره..ليه بس ماحسهوش
الغربة بحر غويط...العمر فيه بيضيع
بنشوف طريقها بسيط...ونقول فأخره ربيع
تقابلنا دوامته..وتخطفنا جواها
ونعيش حياة تانيه..وحياتنا ننساها
قلوبنا نحسها غيرها...وناسنا نحسهم غربا
برغم العيشةمنغيرهم..حقيقي بتبقى قوي صعبة
ووقت لقانا راح يبقى..طبيب بيداوى جرح مريض
وكله بدون ولا فايدة..طبيب عاجز وجرح غويط
وكل كلامي ماسمعتوش..مشيت فطريق وشايفه نجاه
وعمر يضيع ماهتعيشهوش..وبتبدل لموت بحياه
وانا عارفة البعاد هيطول..هتطويك غربة فيها تضيع
ماتوعدنيش راجع علطول..هاصدق لو تقوللي ببيع💔
#ووعدتني_راجع_نورأدم
ليست هناك تعليقات:
إرسال تعليق