الشاعر رشاد على محمود.يكتب
"َملعون يا ماضي"
ملعون يا ماضي بتجري ورايا كما الرهوان
مش راضي تنساني والظلم فدولتك عنوان
يا عم إنساني بقي وروح ٠ وشيل خيبتك المره
أنا شايل هموم ياما وتعالى وإفتح السره
طول عمري أنا ف حالي ٠ وشايل همي فترحالي
ولسه جراحك بداويها ولون الهم ده حالي
وقراري من يوم ما وعيت علي الدنيا أكون إنسان
وعمري ما يوم حاكون زيك تلميذك ياعمنا شيطان
ملعون يا ماضي بتجري ورايا كما الرهوان
مش راضي تنساني والظلم فدولتك عنوان
يا ماضي أنا كرهتك وكرهت يوم م انا شوفتك
كرهت القسوه في عنيك وكرهت يوم فيه أنا زرتك
جواك ليل أسود وفيه جحافل بوم وبتنعق
كتر السبح في إيديك منظر وغايب عن افعالك الحق
ملعون يا ماضي بتجري ورايا كما الرهوان
مش راضي تنساني والظلم في دولتك عنوان
بقلم الشاعر رشاد على محمود
ليست هناك تعليقات:
إرسال تعليق