الشاعر عبدو البقالي.يكتب
✍✍✍✍
📝📝📝📝
نفسي أكتب جواب بس مش عارف لمين....يمكن لحد فارقني وبعد عني من سنين
يمكن لمشاعر جوه منى بس لسه مش باينين
يمكن لمشاعر عايز تخرج بس مش عارف لفين
يمكن لناس سابوا جوايا الألم تعدى سنين
يمكن لحد جرحته وقلبه بسببي حزين
يمكن لناس فارقوني ولسه في قلبي عايشين
يمكن لناس خلاص لكل حاجه حلوه عملناها ناسين
يمكن لناس مش بيحبوني وهما جوه منى ساكنين
يمكن لصاحب عمري ما فارقته واحنا صغيرين
يمكن لناس اشترتهم وهما كانوا ديما بايعين
يمكن لحاجات كتير جوه مني بس مني ضايعين
يمكن لضحكه غابت عني نفسي ترجع من سنين
يمكن لنفسي اقولها أنتي بقيتي مين
يمكن يمكن لناس كتيره ماعرف راحوا فين
يمكن لناس كتير لسه في حياتي جايين
بس كل كلمه مني بتهرب
وبحس أن الورقة مني تستغرب
ولقيت كلامى كله حزن وعتاب
سكت وقفلت الجواب
ورميت جوابى في سله التايهين
#✍️✍️✍️✍️عبدو البقالي
ليست هناك تعليقات:
إرسال تعليق