الشاعر علي درويش خليل.يكتب
🌛فرشي حروفك ع صدري ونامي يا قوافي🌜
وبذكر سيدنا محمد تغطي
وخلي الصدر دافي
وكل ماتضوي شمعة بيوم ميلادو
🌛✍ ولعيها من نار قلبي وحبي الصافي 🖎🌜
وبميلاد نبي الحق ولنعيد عيادو تبقي طهري
عقول المريضة والسخافة
خلي الخليقة تعرف مين النبي ومين أحفادو
القرأن باب المعرفة الإسلام جامعتو مضافة
وهلأ لفسر الموضوع وليفهم الكون وعبادو
جاية أنا الليلة سجل بلا خوف إعترافي
ماكرون شو باك ما شي ع درب نار وجحيم
وسارح بعظمة غرورك وشوك الهشيم
لو ب عرفك مجنون ومحتاج للعقل السليم
وحامل عصى الأخوت وجاية تتحدى الفهيم
ما كنت جاوبتك وحق قرأني الكريم
لو طوبولي الكون كلو وجنات النعيم
رح خبرك بجديدكن وتاريخ أمجادي القديم
لو فيك تحمل الفلسفة من عقل نبينا السليم
ما كنت ضيعت حالك في مجالو يا غشيم
حاجة بقى مفكر حالك حاكم وقدرك عظيم
وإنت ما بتقدر تركب إدن جرة ولا تقيم
وهلأ لتعرف مينو النبي الصادق والكريم
جدي النبي حجب الدم حافظ ع اليتيم
علم التاريخ كيف يمشي عالسراط المستقيم
ولحتى بحملة شعوزاتك تقدر تكفي يا لئيم
راجع تاريخ جدودك بغوغل والكتاب القديم
بحبش منيح بغوغل الأزرق الأحمر يا سقيم
وتا توضح الصورة بين جديدك والقديم
رح تلاقي عهد النبي طاهر صافي سليم
مش متل عصر الي تاجروا بالدم واغتصبوا
الحريم
هلأ عن جد بدي تخلي العقل يرجح يا فهيم
وخلي بين الفكر وجنونك نتوفة مسافة
أوعى بيوم تفكر بالزعبرة والهوبرة رح خاف
وتعربش ع كتافي
نحنا من نسل سيدنا محمد هيهات منا الذلة
تفكيرك عقيم
بالحرب نحن رجال شاهد علينا عهد جديدك
والقديم
بالسلم للسلم نحنا أهل المرؤة والشهامة أهل
المكارم والضيافة
فرشي حروفك ع صدري ونامي يا قوافي
وبذكر سيدنا محمد تغطي خلي الصدر دافي
🌛✍🖋📖🌜 ✍ 📖 🖎 🌛📖🖋🖎🌜
✍🖋📖 علي درويش خليل 📖🖋🖎
🌛✍🖋📖🌜 ✍ 📖 🖎 🌛📖🖋🖎🌜
ليست هناك تعليقات:
إرسال تعليق