الشاعر محمدأبو الحسن.يكتب
قصيدة في مدح
المصطفى في مولده
......................
حبيبى أجمل من القمر
.............
حبيبي أجمل من القمر
وان كان القمر
بدر في سماه
مع إنه واحد من البشر
سبحان من سوَّاه
حبيتُه من غير مااشوفه
ولا اتقابلت معاه
وساكن في قلبي طيفه
وروحي دايبه في هواه
يابخت كل اللي شافه
وكل اللي عاش وياه
هما إللي فرحوا وفازوا
وضمنوا جنة معاه
ياما نفسي أشوفه في
منامي
واتسعد بلُقاه
أملِّي عيني من جماله
واشكيله حالنا اللي
وصلناله
وآخد وعد منه
أكون بالقرب منه
وافوز بجنة معاه
داحلم
مُش أي حد يطوله
إلا إللي عاش في هُداه
دى نعمة واللي ينولها
يبقى ربنا نجَّاه
عرفتم مين حبيبي
إللي بدوب في هواه
وإللي هيكون شفيعي
عند الكريم في عُلاه
وإللي هيسقيني شربة
هنية
من حوضه الشريف
بيداه
هو محمَّد نبينا
إبن عبد الله
متى ذُكِر الكريم
ذُكِر الحبيب ويَّاه
صلواعلى طبيب القلوب
واستمسكوا بعُراه
محمدأبوالحسن
ليست هناك تعليقات:
إرسال تعليق