الشاعر محمد حسنين .يكتب
مكسوف منك يانبي
انت غايتي ومطلبي
لواء الحمد رافع
لا عارفين ندافع
عنك ياخير شافع
ولا بنصلي عليك يانبي
يارسول الله سامحني
يارسول الله انت عارفني
عايز افديك بالروح
بس اللي دابحني
ح يقولوا اتباع النبي
ويرموا علينا عتاب
ويقولوا احنا الإرهاب
وتسري علينا الأسباب
أصله اعمي وغبي
مكسوف منك يانبي
بس نجيلك زوار نطوف
وتدعي ربنا قبالك ألوف
ونرفع بصرنا والكفوف
وتسيل دموعنا شدة خوف
دصحابتك عانوك بالسيوف
اول ما يتحقق مرادي ومطلبي
ننسي شفاعتك يانبي
انا مكسوف منك يانبي
ح نقول ايه للي أساء
واحنا قدامه طلعنا غثاء
احنا كل أوامرك هجرنا
والشرع بينا وبينه جفاء
احنا مسلمين ولا بندعي
مكسوف منك يانبي
فين الصحابه وآل البيت
الله اكبر عليك لو صليت
الباسوس قامت ليها حرب
اربعين سنه موت وضرب
في سوق الصاغه نادت ست
قامت الدنيا وحرب اشتعلت
واه واه واه معتصماه
ياحامي دين الله
واحنا بنطبع ويا المعتدي
انا مكسوف منك يانبي
الناس كانت زمان
رجوله. وجدعان
انا بقيت جبان
من يومك يانبي قضيت علي الرق وعلي العبيد
ولاعدشي فيه يانبي عبد يقول لحد ياسيد
ولا بنفرق بين دين ودين والبشريه ايد في ايد
وأرضنا بتنور بالسلام وزهور المحبه تزيد
حرية نبينا لكم دينكم ولينا دين رب التوحيد
في بلاد المسلمين احنا مسالمين وسألوا عن الفاتحين
قال لينا نبينا لا تقطعوا لينا والمعابد سيبوه علينا واللي في بيوتهم سالمين
انت رحمه للعالمين
دي تعليمات نبينا والنبي
انا فخور بيك يانبي
بقلمي/
محمد حسنين
عاشق طين بلدي
ليست هناك تعليقات:
إرسال تعليق