شعر
الشاعر محمد عليوي فيّاض.يكتب
عمران المحمدي
الخيل تصهل حشّمت فرسانها
والسّمر ملّت سجن غمدانها
لخيل تصهل حنّت الفرسانها
والسّيوف امزنجرة ابغمدانها
اسرج او هوس على الما ينتخون
فوت بيها اوغصب عنهم يلحقون
دك طبول الحرب خل يتجمّعون
جامحة الشالتك شد اعنانها
الخيل تصهل حنّت الفرسانها
فوت بيها اوامسح ادموع اليتيم
او اجلي هم اللي على وجهه يهيم
واعدّوا كالها الرّب العليم
او افزعوا كلما عمت دخّانها
--- الخيل تصهل حنّت الفرسانها
على اكتوف الموت اركص لو لكاك
لا اتهارش ذيب لو كصرت عصاك
اولو هشت لا تلتفت علّي وراك
انحر الكلفة اوجمر ميدانها
--- هلك من بارود سوولك سفوف
او لاجل يحمونك ايدكّون الدّفوف
جرّد الصمصام وادحم عل صفوف
تنتشي الديرة ابضرب شجعانها
الخيل تصهل ----
الجود بالشّدات من اكرم الجّود
هيج وصتنه الشّرايع والجدود
النشمي وكت الزّوم ما يرهبه زود
والزّلم تجدع اخشوم اقرانها
الخيل تصهل ---
انته لا اوّل ولا آخر شهيد
اوجع ابضرباتك او فلّ الحديد
واكلب اللوعات والاحزان عيد
الدار بالمثلك انجلّي احزانها
أعجبني
تعليق
مشاركة
ليست هناك تعليقات:
إرسال تعليق