الشاعرة مرفت هلال.تكتب
كنت دايما برتاح
لما أشوفك
تترسم الضحكة
فى عيوني
يصفى قلبي
و تنام جفوني
و ألقى روحي
لما كفي يرسى
ويهدى بين كفوفك
فى الغياب ...
بوصل الليل بالنهار
يملاني يأسي
و يقتلني الإنتظار
أمشي ادور
على صورتك
بين ألوفك
كل الوجوه
اختلطت علي
حتي صورتي
أنتِ هيَ
مكتوب عليَ
في كل الوجوه
اني أشوفك
قربي مني
حبيبتى
زمليني
إرحميني
و إنسي خوفك
إوعي ترمينى
زي كتاب قديم
فوق رفوفك
لسا صفحاتي
بيضة جميلة
عايز ألونها
بلون حروفك
إشرحيلى
قولي مالك
فهمينى
إيه ظروفك
بيننا دايما
خيط رفيع
خايف فى حزني
أقطعه
يوم ما أياس
من عزوفك
يا حبيبتي
قربيني ليكِ
وقربي و طببي
عيوني بشوفك
كنت دايما برتاح
لما أشوفك
#بقلمي ميرفت هلال
11/12/2020
ليست هناك تعليقات:
إرسال تعليق