الشاعر نبيل عبد الحليم.يكتب
((اه يادنيا))
فينك ياست السعادة
غايبه ليكي زمان
تم طبعك بلاده
وصايبنا ليه حرمان
قسا الهموم بزياده
والبال معاها حيران
لابس لوحدي القلادة
ولا فيه غيري تعبان
بحور الفرح مليانه
وانا الوحيد عطشان
لا إبن يهمه شفانا
ولا خل م الخلان
صعبان علينا شقانا
والكل ضميره تعبان
الدمع زود عمانا
ومحتاجين إحسان
ومين ع يحسن علينا
ما دام إللي منا خان
جف الحنان حوالينا
دنيا وما فيها أمان
ومنين نجيب دوا لينا
وصاحب الدوا مرضان
لهمومهم ياما جنينا
والكيل معانا طفحان
عمر ومال فنينا
وألأخر انا الغلطان
ياللي عليتو بإيدينا
لينا عليكوا أمانه
تحضروا ألأكفان
ولو من باب الإحسان
بقلمي
نبيل عبد الحليم
13/12/2020
ليست هناك تعليقات:
إرسال تعليق