🌰 دايما حبيبي.🌰

الشاعرة سلوى صبح.تكتب

 دايماً حبيبي. 

—————-

وساعات يطوقني الحنين

من غير ميعاد.. ويزيد أنيني

بلقاك ماليني ..

ومنًور جبيني..

وكأنك مصباح السعادة والحياة 

طوَّق للنجاة..

بوصله توجهني في طريقي..

عارف حبيبي..

إنتَ من الدنيا نصيبي..

يمكن تكون رزقي الحقيقي..

لو يوم بحِس إني غريبة

وسط الصحاب والأهل..

بلاقيك قريبي..

يمكن تكون في مكان بعيد

ويكون مابينا سدود كتير

لكن حبيبي..

مع إنك عارف حتى عيبي

بس راضي بكل حُب

تكون نصيبي

وتكون حبيبي..

فاهم حبيبي يعني إيه أفرح 

بضمة شوق في وسط الضلمة نور

تمسح همومي..

تكشف غيومي..

تغفر ذنوبي ..

وألاقيها بتطهر لي توبي..

إنتَ حبيبي..

وحنيني عمره ما يختفي

ساكن في قلبي ومعبياه

جوة جيوبي..

يعني حبيبي..

وحياة سنين عدت علينا

ودموع كتير مليت عنينا

وآهات طويلة ..

طولها ليل..

زحناها بإيدينا

 وحبي ليك ومعَّزِتَك

قدري ونصيبي..

عمري ما هنسى إنك

دايماً حبيبي. 

#بالعامية بقول. دايماً حبيبي.  

بقلمي :سلوى صبح.